Këngëtari i njohur amerikan, Bruce Springsteen ka ofruar një përditësim mbi sëmundjen e stomakut që e bëri atë të shtynte turneun e tij.
Boss së fundi hapi një episod të emisionit të tij në Radio SiriusXM E Street “From My Home to Yours” duke u prezantuar si “ylli juaj i preferuar i rock-ut me dhimbje ulçere!”
Ai më vonë falënderoi mbështetësit e tij ndërsa po përballet me sëmundjen e dhimbshme.
“Më lejoni të marr një moment dhe të falënderoj fansat e mi të prekur nga shfaqjet tona të shtyra për mirëkuptimin e tyre”, tha Springsteen. “Më vjen shumë keq, por kjo gjë e barkut, pavarësisht aftësisë sime për të qeshur me të, ka qenë një përbindësh dhe ende fatkeqësisht po trondit botën time të brendshme”.
Springsteen, 74 vjeç, publikoi një deklaratë muajin e kaluar duke thënë se ai vazhdoi të “shërohet në mënyrë të qëndrueshme nga sëmundja e ulçerës peptike gjatë javëve të fundit dhe do të vazhdojë trajtimin gjatë pjesës tjetër të vitit me këshillën e mjekut”.
“Duke pasur parasysh këtë, dhe për shkak të kujdesit të madh, të gjitha datat e mbetura të turneut të 2023-ës për Bruce Springsteen dhe The E Street Band do të shtyhen deri në vitin 2024”, thuhet në deklaratë.
Springsteen gjithashtu duhej të shtynte disa shfaqje të mëparshme me grupin e tij E Street. Ai kishte nisur një turne në shkurt, i pari i tij në SHBA që nga viti 2016.
